Dumepensa si Sagip Party-list Rep. Paolo Marcoleta para kay Vice President Sara Duterte matapos gisahin ng tanong ni ACT Teachers Party-list Rep. Antonio Tinio.
Sa ginanap kasing pagdinig ng House Committee on Appropriations nitong Martes, Setyembre 16, inusisa ni ACT
Teachers Party-list Rep. Antonio Tinio kung magkano ang kabuuang ginastos ng Bise Presidente sa travel nito.
“No public funds were used for all my travels. I didn’t charge representations, I didn’t charge tickets, I didn’t charge per diem for all my travels in the Office of the Vice President,” sagot ni Duterte.
#BalitaExclusives: ‘Bring him home!’ Creators for Good Governance, pinatutsadahan ‘humba issue’ ni Harry Roque
Ngunit umalma na si Marcoleta nang sumundot ng isa pang tanong si Tinio para hingin ang eksaktong numero sa gastos ng Bise Presidente sa mga travel nito sa labas ng bansa.
“Madam Chair, I thought we are going to accord institutional courtesy to the Office of the Vice President Bakit po natin binabanatan? Bakit po natin tatanungin?” ani Marcoleta.
Pero paglilinaw ni Tinio, “Mr. Chair, wala pong binabanatan dito. […] Nagtatanong lang po tayo rito. At lehitimo naman po ang mga tanong.”
Matatandaang 13 bansa ang totalidad ng bansang dinadayo ni Duterte simula noong Hulyo 2024 kabilang na ang Kuwait, France, Netherlands, at Belgium na pinuntahan niya lang kamakailan.
Ayon kay OVP Budget Division chief Atty. Kelvin Gerome Tenido noong Setyembre 11, umabot umano sa ₱20.68 milyon ang nagastos ni Duterte sa mga travel nito.